လူကုန်ကူးမှုတားဆီးကာကွယ်ရေး အသိပညာပေးတေးဂီတဖျော်ဖြေပွဲ မော်လမြိုင်နှင့်ဘားအံတို့၌ကျင်းပပြုလုပ်

လူကုန်ကူးမှုတားဆီးကာကွယ်ရေးဗဟိုအဖွဲ့၏ ဦးဆောင်မှုဖြင့် MTV Exit အဖွဲ့မှ လူကုန်ကူးမှု တားဆီးကာကွယ်ရေး အသိပညာပေး တေးဂီတဖျော်ဖြေပွဲကို ၂၀၁၃ ခုနှစ် အောက်တိုဘာလ ၁၈ ရက်နေ့ ၁၇၀၀ အချိန်မှ ၂၁၃၀ အချိန်အထိ  မွန်ပြည်နယ်၊ မော်လမြိုင်မြို့၊ အမှတ်(၅) အခြေခံပညာ အထက်တန်းကျောင်း မြက်ခင်းပြင်၌ လည်းကောင်း၊ အောက်တိုဘာလ ၂၀ ရက်နေ့ ၁၇၃၀အချိန်မှ ၂၂၀၀ အချိန်အထိ ကရင်ပြည်နယ်၊ ဘားအံမြို့၊ ဇွဲကပင်ခန်းမ၌ လည်းကောင်း ကျင်းပခဲ့သည်။
World Vision  နှင့် FXB တို့မှ လူငယ်သရုပ်ပြအဖွဲ့တို့က လူကုန်ကူးမှုတားဆီး ကာကွယ်ရေး ဆိုင်ရာ အသိပညာပေးပြဇာတ်ကို တင်ဆက်ကပြဖျော်ဖြေ၍ အခမ်းအနား စတင်ဖွင့်လှစ်ခဲ့သည်။ ထိုနောက် တေးသံရှင် ဖြူဖြူကျော်သိန်း၊ ဖြိုးကြီး၊ သန္တာဗိုလ်နှင့် ထက်နေကြည်တို့မှ အကအဖွဲ့များဖြင့် သီးချင်းများသီဆိုဖျော်ဖြေခြင်း၊ လူကုန်ကူးမှုရပ်ဆောင်ပုဒ်အား ပရိတ်သတ်နှင့်သံပြိုင်ကြေးကြော်ခြင်း၊ လူကုန်ကူးမှုတားဆီးကာကွယ်ရေးဆိုင်ရာအသိပညာပေးပြောကြားခြင်းပြုလုပ်ခဲ့ကြသည်။
သက်ဆိုင်ရာ မွန်ပြည်နယ်၊ ကရင်ပြည်နယ် လူကုန်ကူးမှုတားဆီးကာကွယ်ရေးဥက္ကဌများမှလည်း  လူကုန်ကူးမှုတားဆီးကာကွယ်ရေးဆိုင်ရာ အသိပညာပေး ပြောကြားခဲ့ပြီး လူမှုဝန်ထမ်း ဦးစီးဌာနမှ လူကုန်ကူးခံရသူများအား ကယ်တင်စောင့်ရှောက်ခြင်းလုပ်ငန်းစဉ်များအကြောင်းကို လည်းကောင်း၊ World  Vision (Myanmar)  မှ လူကုန်ကူးမှုတားဆီးကာကွယ်ရေးလုပ်ငန်းများ ဆောင်ရွက်နေမှုများ ကို လည်းကောင်း ပြောကြားခဲ့သည်။

ပြည်နယ်အစိုးရအဖွဲ့ဝင်ဝန်ကြီးများ၊ ဖိတ်ကြားထားသော တိုင်း/ပြည်နယ်အဆင့် ဌာနဆိုင်ရာ အကြီးအကဲများနှင့်ဧည့်သည်တော်များ၊ NGO / INGO များနှင့် ပြည်သူလူထု(၅၀၀၀)ကျော်စီ လာရောက်ကြည့်ရှုခဲ့ပြီး  မော်လမြိုင်/ ဘားအံ လူကုန်ကုးမှုတားဆီးနှိမ်နင်းရေးတပ်ဖွဲ့စု၊Walk  Free / World Vision (Myanmar) / Save The Children / FXB / IOM / ILO / MTV Exit  တို့မှ လူကုန်ကူးမှုအသိပညာပေး လက်ကမ်းစာစောင်များ၊ ပို့စကဒ်များနှင့် စတေကာများ ဖြန့်ဝေပေးခဲ့သည်။
၂၀၁၃ခုနှစ် အောက်တိုဘာလ ၂၅ ရက် ညတွင်လည်း ဧရာဝတီတိုင်းဒေသကြီး၊ ပုသိမ်မြို့၊ ကိုးသိန်းမိုးလုံလေလုံအားကစားကွင်းတွင် လူကုန်ကူးမှု တားဆီးကာကွယ်ရေး အသိပညာပေး တေးဂီတဖျော်ဖြေပွဲကို ဆက်လက် ဖျော်ဖြေသွားမည်ဖြစ်ကြောင်း သိရသည်။