မဲခေါင် ဒေသတွင်း(၆) နိုင်ငံ လူကုန်ကူးမှုတိုက်ဖျက်ရေး အထူးအဖွဲ့များ၏ ဒုတိယအကြိမ် အစည်းအဝေး

ထိုင်းနိုင်ငံ၊ဘန်ကောက်မြို့တွင် စက်တင်ဘာလ (၃) ရက်နေ့မှ (၄) ရက်နေ့အထိ ဒုတိယအကြိမ် မဲခေါင်ဒေသတွင်းဝန်ကြီးများအဆင့်လူကုန်ကူးမှု ပူးပေါင်းတိုက်ဖျက်ရေးအစီအစဉ်၏ အထူးအဖွဲ့ များအစည်းအဝေး (2nd Regional COMMIT Taskforce Meeting)ကိုကျင်းပမည်ဖြစ်သည်။

ထိုအစည်းအဝေးသို့မြန်မာကိုယ်စားလှယ်အဖြစ် ရဲဦးစီးအရာရှိချုပ် ရဲမှူးချုပ်ခင်မောင်စီ၊ ရဲမှူးကြီး ၀င်းနိုင်ထွန်း(ဒုတပ်ဖွဲ့မှူး၊ လူကုန်ကူးမှုတားဆီးနှိမ်နင်းရေးရဲတပ်ဖွဲ့) နှင့် ဒေါ်ဥမ္မာအိအိချော ( National Project Coordinator, UNIAP Myanmar) တို့တက်ရောက်ကြမည်ဖြစ်သည်။

ထိုအစည်းအဝေးတွင် ယခုနှစ်ဒီဇင်ဘာလတွင်ပြီးဆုံးတော့မည့် UNIAP (United Nations Inter - Agency Project on Human Trafficking) အစား East Asia Initiative Against Trafficking in Persons (EATIP) Project မှဆက်လက်လုပ်ဆောင်သွားမည့်ကိစ္စနှင့်ပတ်သက်၍ မဲခေါင်ဒေသတွင်း (၆) နိုင် ငံ(တရုတ်၊ဗီယက်နမ်၊မြန်မာ၊လာအို၊ထိုင်းနှင့်ကမ္ဘောဒီးယားနိုင်ငံ)တို့မှကိုယ်စားလှယ်များ၊ အလှူရှင်နိုင်ငံများ၊ UNDP, UNIAP  နှင့် IOM တာဝန်ရှိသူများတို့တွေ့ဆုံ ကာဆွေးနွေးကြမည် ဖြစ်သည်။

East Asia Initiative Against Trafficking in Persons (EATIP) Project သည် ၂၀၁၄ခုနှစ်ဇန်န၀ါရီလမှ ၂၀၁၈ခုနှစ် ဒီဇင်ဘာလအထိ (၅)နှစ်စီမံကိန်းဖြစ်သည်။
UNIAP (United Nations Inter - Agency Project on Human Trafficking) ကိုအစက UNDP မှစီမံခန့်ခွဲခဲ့သော်လည်း ယခုစီမံချက်အသစ်ဖြစ်သည့် East Asia Initiative Against Trafficking in Persons (EATIP) Project ukd IOM (International Organisation for Migration) မှတာဝန်ယူသွား ရန်စီစဉ်ထားသည်။

UNIAP (United Nations Inter - Agency Project on Human Trafficking) စီမံကိန်းသည် ၂၀၀၀ပြည့် နှစ်မှစကာ မဲခေါင်ဒေသတွင်း(၆)နိုင်ငံများ အကြား၊မဲခေါင်ဒေသတွင်း ၀န်ကြီးများအဆင့် လူကုန် ကူးမှု ပူးပေါင်းတိုက်ဖျက်ရေးလုပ်ငန်းစဉ် ( COMMIT Process) ၏ အတွင်းရေးမှူးရုံးအဖြစ် တာဝန် ထမ်းဆောင်ခဲ့သည်။
မဲခေါင်ဒေသတွင်း(၆)နိုင်ငံများအကြား၊မဲခေါင်ဒေသတွင်းဝန်ကြီးများအဆင့်လူကုန်ကူးမှု ပူးပေါင်းတိုက်ဖျက်ရေးလုပ်ငန်းစဉ် (COMMIT Process)  ၏အောင်မြင်မှုများမှာ နှစ်နိုင်ငံ လူကုန်ကူးမှုတိုက်ဖျက်ရန် သဘောတူညီချက်များဖြင့် အကောင်အထည်ဖေါ်နိုင်ကြခြင်း၊ နားလည်မှု စာချွန်လွှာများဖြင့်နှစ်နိုင်ငံပူးပေါင်းဆောင်ရွက်ကြခြင်း ၊နှစ်နိုင်ငံနယ်စပ်ဆက်ဆံရေးရုံးများဖွင့်ကာ နယ်စပ်ဖြတ်ကျော်လူကုန်ကူးမှုများတိုက်ဖျက်သည့်လုပ်ငန်းများဆောင်ရွက်ခြင်း၊လူကုန်ကူးခံရသူ များအကာကွယ်ပေးသည့် လုပ်ငန်းစဉ်ဖြစ်သည့်ဂေဟာများဖွံဖြိုးတိုးတက်အောင်ဆောင်ရွက်ကြခြင်း၊ လုပ်ဆောင်ကြမည့်အစီအမံများ ကိုရေးဆွဲအကောင်အထည်ဖော်ကြခြင်း၊ လူကုန်ကူးသူများကိုနှစ် နိုင်ငံစိစစ်ကြခြင်း၊ ပူးတွဲလုပ်ဆောင်ကြခြင်းများ တို့ဆောင်ရွက်နိုင်ခဲ့ကြခြင်းများ နှင်လူကုန်ကူးမှု တားဆီးကာကွယ်ရေးဆိုင်ရာ ဥပဒေများပြုနိုင်ခြင်းများတို့ဖြစ်ကြသည်။